nur no ei wuche...

hm. es isch sone verdammt komischs gfueehl, dass ich morn inere wuche um die ziit wohrschinli grad am icheckae bin. ich han e mega super wuche hinder mir, mue zu mim eigete erstuune saegae, dassi mi im neue apartment (elena sei dank... she s great) scho recht guet iglebt ha und sogar mit em drache zschlag chum (sie isch ganz oke eignetli, eifach recht strikt wa ihres lebe abelangt); wennis so ueberleg, hemmer eigentli me mueaeh mit em geischt gha, we mit em drache

 

dmichele isch etz z sevilla. klar vermissi sie, aber ich gseh sie nomol, wel sie a mim letschte obig uf malaga chunt... hehe. letscht wuchenend simmer zaemae uf sevilla und ich ha det bi de nadine (sie isch frueehner mini nochberin gsi, 26i und wohnt, schaffet und lebt etz sit 4 johr in sevilla) gwohnt: isch e mega kuuls wuchenend gsi, au wenn mir nur am friitig in malaga in usgang sind und am samschtig z mueed dezue gsi sind sevilla isch sone schoeni statt, und es isch sogar no es biz waermer det we etz in malaga, obwohl etz swetter doo au wieder schoenner isch... sind geschter an strand *smile*

 

die wuche isch soo schnell verbi gange, da glaubi fascht gar nid. isch au e mega super wuche gsi, hends mega gnosse und viel zueg gmacht... mir sind gsi go shooppae, billiard spiele, hend 2 film obig gmacht, go zaemae znacht esse, hend zaemae pizza kreiert (kein blasse we me da wort schriebt... und choche cha me dem jo nid saegae ), biz in usgang (mir sind irgendwie nuem so d party animals aber am samschtig hoffentlii...) und sisch eifach genial gsi, ich han die luet so gern. es wird mega schwer werde, da zrugzloh... fuuuck. ich wet gar nid erscht dra denke. ei wuche isch soo wenig... tuet mer laid, bin grad chli down deswege. aber oke, ich hoer uf jammere... *gedanke verdraeng*

 

und huet inere wuche han ich die fucking DELE prueefig, han etz scho mega angscht devor. da isch wie nomol matur... ich versuech mich etz grad selber dra z erinnere, dass ich de 3. klaessler nocher gseit han: "mueend nid so angscht ha vor de matur, da isch viel weniger schlimm we me denkt". hehe... aber ich mue die schaiss prueefig eifach bestoh, suscht hetti verdammt viel geld usem fenschter gworfe aso drucked mir d duume.

 

heeey... see u soon. am samschtig inere wuche erwart ich vo allne, dass sie is tabaco choemed go party mache! kai usrede freu mich meeega fescht uf eu!! take care

 

ajo, und biz schnee in schaffhuse faendi au gail... wenn cha me echt s erscht mol go boarde?

9.11.07 12:24

bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)


 Smileys einfügen