zurueck in der hoehle des drachen...

vor ere stund isch grad djessi gange... es isch e mega kuuls wuchenend gsi mit ihre, schad dass es so schnell verbi gange isch... es isch sooo hammer gsi, wo ich sie am flughafe wieder gseh han hach. ich freu mich scho druf, dass ihr mich alli zaemae choemed go abhole wenn ich denn haichum... ich mue jo scho i 3 wuche hai schnueff. es isch doch so super do...

 

obwohl: mir hend etz moese umzieh und wohned wieder mit em drache zaemae. de bsitzer vo uesem alte apartment hets schiins zrugwelle, und drum hend dmichele und id wohnig vom drache und no 2 anderne chicas moese zieh und de jerry isch ine wohnig mit swimming pool cho! wo bliiebt do d gerechtigkeit! zersch hemmer recht angscht gha, dass d jessi und ich etz irgendwo uf de stross mueend schlofe, aber zum glueck het d michele denn eifach 2mol bi ihrem spanische fruend gschlofe, so dass djessi ihres bett het choene ha... en mega schatz isch sie (dmichelita... aso djessi natuerli au ) naja. de drache het ues huet morge scho agmonggt, mir soelled bitte s gschirr grad nochem gebruch abwaesche, und nid da vom zmorge ersch am mittag! und am 10ni goend die meischte mitbewohner scho is bett... am 10ni!! es choent nid verschiedener sii zu uesem vorherige party-apartment. aber isii, ich mue jo nur det schlofe und esse... und wenigschtens hani no dmichele drum chunt da glaub scho guet. und eini vo de mitbewohnerinne isch mega lieb und voll nid so schraeg we die 2 andere (drache und e duetschi).

 

suscht, was gits neus... am samschtig simmer im usgang gsii, ich glaub djessi tuet dfoetli uf facebook... ich ha 2 long island trunke, endli mol wieder und sie hend fascht so gschmoeckt we de vom tabaco... mega gail gsii. und geschter isch endli mol wieder strand wetter gsi; ich mue schliesslich jo no a minere brueni schaffe die wuche werded mir am dunnschtig frei ha, freu mi scho...

 

aber huet morge hemmer en test gha, so e art probelauf fuers DELE, de erscht vo 4 probelaeuf... ich ha kain blasse, ob da guet chunt mit dem DELE hoffs mol. ich wot naemli nid moese zfescht lerne...

 

 und wa hani no so gmacht die letscht wuche; usgang, shoppae (djessi het mich zum extrem-shopping verfueehrt), schlofe, an strand oder is centro goh und ufzgi... so gseht eigentli mis daily life do us. and i love it! ajo, ich ha ghoert ide schwiz waerdis scho am 5i am obig dunkel? muahahaaa... bi ues ersch oepe am 7ni... und die wuche wirds geils wetter! aso nid, dass ich eu wet iversuechtig mache oder so :p

 

asooo, see you sooon! i love u guys

29.10.07 12:11

bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)


 Smileys einfügen