und vorbii isch es schoggilebe...

huet het min DELE kurs agfange. ich glaub, me wird mega guet ufs examen vorbereitet, drum hani etz nuem so mega schiss devor. ABER es wird au viel strenger ide schuel. mir hend huet 2h huusufzgi uebercho (2 ufsaetz und no textverstaendnis) und denn isch jo die ziit, wo me d grammatik mue repetiere und aluege, wa me nonid verstande het, nonid dinnae. aso wirds glaub huet nuet me mit playa... aber ich ha mir denkt, ich striich eifach paar stunde schlof (dsiesta sowieso), denn chani gliich no viel sache underneh. wel mini letschte 4 wuche do weti jo no gnuessae und nid nur lerne...

 

da wuchenend isch eigentlich recht tranquilo gsi, aber voll laess. ich fuehl mi langsam total wohl und es isch komisch dra zdenkae, dassi i 4 wuche scho nuemae do bin. obwohl ich mich natuerlich freu, eu alli wieder zgseh!

 

am friitig obig isch de susan ihren abschlussobig gsi. ihri schwoeschter isch fuer ihri letschtae taeg sie cho go bsueche, und denn simmer alli zaemae go tapas aessae und nocher in usgang. wel mir ine bar sind, wo em jerry sini spanisch "fruendin" (er isch verliebt moender wuesse ) schaffet, hemmer denn au no 2 gratis drinks uebercho isch en mega luschtige obig gsi, hend dumm tanzet und bloedelaet und gfoetelet und sind irgendwenn am 5i mol haicho. eventuell chani noechscht wuchenend, wennd jessi do isch, paar foeteli uelade. (ich chan ebe nur foeteli a laptops uelade, wel me doet au chan d sd charte ietue. ich schussel ha ebe dummerwiis s kabel zum d kamera an pc ahenke dihai vergessae...)

 

am samschtig obig hemmer denn nur no en filmobig gmacht, isch mega friedlich gsi. und da wuchenend hani wuerkli mol gnueg schlof gha mol zur abwechslig. aber es isch scho komisch, dass d suus etz nuemae do isch. mir hend eigentli denkt, mir chaemed neui flatmates ueber, aber geschter isch niemert me cho... etz hend dmichele, de jerry und ich es apartment fuer ues da isch voll laess. und huet obig gsemmer dsusan zum glueck nomol (ihren flug goht ersch am mittwuch, aber sie isch etz no mit ihrere schwoeschter z torremolinos).

 

i 4 taeg chunt djessi und mir goend uf granada! freu mi scho soo fescht druf, dich endli mal wieder zgseh! de jerry und sini novia goend a dem wuchenend au uf granada, aber ich glaub, sie wend allaige sii aber villicht wuered suscht no paar mitcho. es werded do e alli entscheidige spontan troffe, drum lohnt sich plane nid immer aber fuer huet obig hemmer en "international food" obig plant (ich glaub, de wird au tatsaechlich stattfinde... aber ebe, mae weiss nie ) wo d fruendin vom jerry ues tortilla espanola chochet... mmmh. eigentli moest jede es gricht vo sim land choche, aber de jerry het sich irgendwie usegredet und dmichele und ich hend da eigentli au no vor suscht moestemer no roeschti oder fondue mache...

 

ich hoff, z schaffhuse lauft au alles beschtens miss all of u a lot!! hugs

22.10.07 13:10

bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)


 Smileys einfügen