mol wieder en neue itrag...

ich han eu jo gwarnt, dassi wohrschinli nid ganz so viel wird schriebe aso sind nid ueberrascht. aber huet obig hani ziit; da ich geschter und vorgeschter jewiils am 3i is bett gange bin und am 7ni wieder ha moese ufstoh und dementsprechend mueaed bin, hani mi entschiede huet obig dihai zbliiebe und etz chani chli am laptop vo de suus haenge. morn goht denn wieder dpartei los mir mueend dsuus no gnuesse, am samschtig goht sie... wird sie mega vermisse! aber die andere bliebed zum glueck no!

 

im moment gohts mer wuerkli super: swetter isch wieder genial und dluet au. am letschte dunnschtig het eini vo de schuel es konzert geh imene chline pub; da isch so genial gsi. sie het e mega schoeni stimm und het u schoen gsunge und s ganze pub isch voller schueler gsi, mega geniali stimmig. nocher simmer no in usgang, wel am fritig jo kai schuel gsi isch (oke, mir waered au suscht in usgang aber s het sich no guet troffe) am samschtig simmer go malaga erkunde, so dass mer ues mol biz uskenned im centro, und nid nur wuessed i welem huus de picasso gebore worde isch und wo me schoeni schueh chaufe chan am fritig und samschtig obig natuerli wieder usgang... am sunntig morge simmer am 8i haicho isch denn natuerli dementsprechend en... schlofwandlerische tag gworde. am maentig obig het d nadia, e schwiizerin, ihren letschte obig gha, drum simmer mit ihrem spanische fruend (oder wie au immer me da bezeichne soell ) und paar luet go znacht esse. mir hend eignetli scho welle so uf di 9ni oder so go esse, aber dspanier hend gfunde, so frueh heged sie no kei hunger, so dass mer schlussendli oepe am 11i znacht gaessae hend! hajo, komischi spanier. und suscht hani zwei mega schoeni strandtaeg hinder mir und e studente party geschter wo ich viel hollaendischi, franzoesischi und schwedischi witz ghoert ha... die schwedischae sind die beschte gsi, aber da liit vllt au dra, dass de johan mega luschtig redt (oder am tequila).

 

uuuund e wiiteri wichtigi neuigkeit: ich ha mich fuers DELE agmolde! ich bi scho etz nervoes vor de pruefig... aber ich hoff da chunt guet am maentig fangt de vorbereitigskurs ah, wo 4 wuche goht. ich bi etz scho fasch ide halbziit do, da isch sone komischs gfuehl... aaah

 

aber inere wuche chunt djessiiiii *mega freu* ich freu mich sooo, dich zgseh! da wird super. und natuerli freuii mi au etz scho uf alli andere, woni ersch i 4 (bzw scho i 4) wuche wieder gseh! love u all and miss you very much

 

ajo, a dere stell no en special gruess a royal rogues: you guys are gonna rock that shit

18.10.07 00:23, kommentieren

fotene

eigentli hani no me foeteli welle druflade, aber da goht so lang, zum ischlofe vllt hani morn no ziit, aber etz woti mol no e halbstuendli anelige und denn gohts langsam, aber sicher, ab in usgang. ich vermiss eu alli mega! knuutsch

Photo Sharing and Video Hosting at Photobucket
viiiiviii, ylva and me a de beachparty # 2 (ehrlich gseit mag ich mich nuem dra erinnere, dass da bild ufgno worde isch )

 

Photo Sharing and Video Hosting at Photobucket
ueses fuer ade beachparty # 2

 

Photo Sharing and Video Hosting at Photobucket
beachparty # 2 again

Photo Sharing and Video Hosting at Photobucket
me, suus, ylva

 

Photo Sharing and Video Hosting at Photobucket
marbella... tomando unas cervezas

 

Photo Sharing and Video Hosting at Photobucket
gruppefoti zmarbella: ylva, me, jerry, daniel, christopher, suus 

 

2 Kommentare 13.10.07 22:17, kommentieren

wichtige nochtrag

de long island do isch viel schlechter we z schaffhuse  aso, ich gib em etz nomol e chance inere andere bar... aber aber... min long island *schnueff* defuer hemmer en drink namens vinnie the phu gha mjam. und ein drink do heisst: "slap me down and fuck me". *stirnrunzel* geile name fueren drink...

2 Kommentare 8.10.07 10:23, kommentieren

Rökning dödar (svenska: Rauchen tötet), Vegetable Vivi und The Dragon...

ich versuech grad, min blog vor em sterbe z bewahre! mal luege, wie erfolgriich ich wird sii.

sit em zischtig isch dvivi do *mega freu* es isch so kuul gsii, wo ich sie am flughafe gseh han... freu mi irgendwie scho uf de moment wenn ihr mich denn vom flughafe abholed und ich uf eu zue huepfae chan hihi. waaa mir so gmacht hend die wuche... mir sind zweimol go shoppae und hend mega kuuli laede entdeckt... ich glaub ich wird no einigi mol det herae go und suscht simmer am strand gsii, hend dummi foeteli gmacht, sind umeghaengt und hend geg en drache kaempft...

mir sind ebe zaemae imene apartment gsi, aso ich bi fuer die wuche umzoge, damit ich mit mim schatz cha zaemaewohne, und i dere wohnig het so eini gwohnt wo seeehr boese isch. mir hend ues u ueber sie ufgregt. obwohl sie englisch het choene, het sie immer spanisch gredt, obwohl dvivi jo kai spanisch cha! und am dunnschtig obig noch de beachparty (vegetable vivi... ) het en kolleg vo ues (kai dummi lacher, er isch wuerkli nur en kolleg ) bi ues uebernachtet. am morge isch sie denn mega agro gsi und het gfunde mir hetted sie soelle froge... aber wa het sie welle, das mir sie am 4i am morge ufweckaed?! *schauder* da heted mir glaub nid ueberlebt... denn simmer am samschtig uszoge und wohned etz beidi i mim normale apartemento. aber leider macht the dragon au de DELE kurs da haisst i spoetischtens 2 wuche hani sie wieder am hals... ajo ihren name isch paetti  

am dunnschtig hets ebe wieder e beachparty geh... ich liebe diese beachpartys nei, aso de vivi und mir hets de manzana (oepfellikoer) recht atue gha. dvivi isch recht schnell bekannt worde als "die wo alli schwede frogt ob sie mando diao losed"  oke, mich hend defuer alli usglachet, wel ich unbedingt da zigi paeckli wo "roekning doedar'' drufstoht ha welle mitneh... aber ''roekning doedar'' toent so viel herziger wie ''rauchen toetet'' (abgseh devo dass es s gliche heisst). am friitig simmer denn no id stadt in usgang und am samschtig au (ladiesnight), aber weniger lang... und morn goht s vivi scho wieder  

aber wenn alles klappt (ooh, ich hoffes so!) goend mir da wuchenend uf marokko! es waer hammer. letscht wuchenend hend mir au en usflug uf marbella gmacht (touristischs staedtli wiiter suedlich) wo mega luschtig gsi isch. doet dits crack meat und baby fish noch einige cervezas isch da umso luschtiger...

aber joo, da waers mol bis uf wiiteres... wenni ziit ha und usefind wies goht, probieri mal paar foetli druf  zlade! ich lieb und vermiss eu gaanz fescht!! besitos

8.10.07 10:21, kommentieren

d asti isch grettet...

es git long island do! es hend mich alli komisch agluegt, wie me sich über da so chan freuä... aber min ufenthalt isch dur da grettet

 

au suscht gfallts mer bis etz ganz guet. ich teil d wg mit 6 lüt; mit emä schwed, enerä holländerin, emä franzos, eim dütsche und enerä schwiizerin. üsi wohnig isch voll friedlich, het en kuule balkon und isch voll nöch am meer... es wetter isch allgemein super do, mega warm und sunnig!

 

üses wg lebe loht sich so beschriebe: pulverkafii, e tanzendi wöschmaschine und en volle aschebecher ufem balkon (die sind zum teil extremi chetteraucher he...) mir hends uf jede fall recht luschtig und unkompliziert ide wg, da gfallt mer mega

 

ide schuel hets recht viel schwiizer und dütschi, aber da isch eignelti voll iisi so, au wenns halt fürs spanisch nid guet isch... wel mir au ide wg englisch reded, hani s gfühl, ich verbessere do ehner mis englisch und hochdütsch als mis spanisch

 

geschter obig simmer bis am 2i am obig inere bar am strand gsi, hend sex on the beach trunke, viel verschiedeni lüt kenneglernt und gschnorret... und ich ha mit em roman (mitbewohner vo mir) salsa tanzt oder s zumindescht versuecht  und geschter hani glernt, dass chocolate nid nur schoggi heisst, sondern au gras und me nid immer söt freudig mit em chopf nicke, wenn me gfrogt wird "¿te gusta el chocolate?"

 

ich mach mich langsam wieder vom acker... zersch hei und nocher vamos a la playa 

 

ich mue do glaub lerne, mir 5h schlof am tag uszcho, denn ich mue am morge immer am 15ab7ni ufstoh und am 10vor8i afoh id schuel laufe. und dschuel liit dummerwiis no ufeme hügel! ich hass de etz scho über alles...  hajo. ich hoff eu gohts allne guet. ihr wüssed jo, ich freu mich über nochrichtä saludos y besitos, astrid

3 Kommentare 25.9.07 14:23, kommentieren

no 2 wuchä...

obwohl mir da ganze chli suspekt isch (so modern), mach ich etz au min eigetä blog für die ziit, wo ich z spaniä bin... isch villicht gliich biz praktischer als die guätä altä massämails ich waiss zwor gar nonid, weviel ziit ich z spaniä wird ha, zum im internet umegammlä... entweder werded ihr pausälos mit nochrichtä vo mir bombadiert oder aber de blog wird es bizeli vernochlässiget werdä... ihr kennäd mich jo aber ich gib mir müäh. ich wird eu und dä long island vermissä z spaniä und freu mich über alli läbäszeichä us äm guetä altä schaffhusä. aber etz gnüssi zersch mol no mini letschtä 2 wuchä z schaffhusä. und druckäd mir d duumä, dass äs zspaniä so öpis wiä long island git...

 ganz liebi grüässli, asti

2 Kommentare 9.9.07 16:16, kommentieren